முதல்வராகும் ஆசையை வெளிப்படுத்திய பிரபல நடிகர் !

முதல்வராகும் ஆசையை வெளிப்படுத்திய ச.ம.க தலைவர் சரத்குமார்.

தமிழகத்தில் இன்னும் சில மாதங்களில் சட்டமன்றத் தேர்தல் நடைபெறவுள்ளது. இந்நிலையில் அனைத்துக் கட்சிகளும் தீவிரப் பிரசாரத்தின் மேற்கொண்டுள்ளனர்.

இந்நிலையில் அதிமுக கூட்டணியில் அங்கம் வகிக்கும் நடிகர் சரத்குமாரின் சமத்துவ மக்கள் கட்சியும் தீவிரப் பிரசாரத்தில் ஈடுபட்டு வருகிறது.

நடிகர் சரத்குமார் முன்னாள் சூப்பர் ஸ்டாராக இருந்தாலும் தற்போது குணச்சித்திர வேடங்களில் சினிமாவில் நடித்துவருகிறார். அரசியல் மற்றும் சினிமா ஆகிய இருதுறைகளிலும் அவர் கால்பதித்துள்ளார்.

இந்நிலையில், கட்சி தொடங்கிய எல்லோருக்குமே இருக்கும் ஆசையை அவர் இன்று வெளிப்படுத்தியுள்ளார்.

இதுகுறித்து அவர் கூறியுள்ளதாவது :

நான் முதலமைச்சராக அமரவேண்டுமென ஆசைப்படுகிறேன். இதுகுறித்து பலமுறை கூறியுள்ளேன்.

நான் எனது 80 வயதில் அல்லது 90 வயதில் முதல்வராக ஆகலாம் அல்லது பிரதமராகலாம் என்று கூறிய அவர் வயது என்பது எண் தான் எனத் தெரிவித்துள்ளார்.

மேலும் அவரது மனைவியும் நடிகையுமான ராதிகா சின்னத்திரை லேடி சூப்பர் ஸ்டார். அவரது சித்தி முதலான தொடர்கள் சன் டிவியில் சூப்பர் அடித்துள்ளன. இப்போது ஒளிபரப்பாகி வருகிறது.

இந்நிலையில் ராதிகா சரத்குமார் நேற்று ஒரு நிகழ்சியில் கலந்துகொண்டு பேசும்போது, இனிமேல் சின்னத்திரையில் நடிப்பதைக் குறைத்துக்கொண்டு, என் கணவருடன் இணைந்து முழு நேரமாக அரசியலில் ஈடுபடவுள்ளதாகத் தெரிவித்துள்ளார்.