சிம்புவை ஃபாலோ செய்கிறாரா துல்கர் சல்மான்?
சிம்புவைப் போல, காதலியைப் பின்னால் உட்காரவைத்து புல்லட் ஓட்டுபவராக நடித்துள்ளார் துல்கர் சல்மான்.
‘அச்சம் என்பது மடமையடா’ படத்தில், மஞ்சிமா மோகனைப் பின்னால் உட்காரவைத்து புல்லட் ஓட்டுவார் சிம்பு. அதைப்போல, தான் நடித்துள்ள ‘சோலோ’ படத்தில் ஒரு ஹீரோயினைப் பின்னால் உட்காரவைத்து புல்லட் ஓட்டியிருக்கிறார் துல்கர் சல்மான். இந்தப் படத்தை, பிஜோய் நம்பியார் இயக்கியுள்ளார்.
புல்லட் பற்றி இயக்குநரிடம் கேட்டால், “இந்தக் கதையை எழுதும்போது புல்லட் பற்றி யோசித்து கூடப் பார்க்கவில்லை. கதைப்படி அவர் ராணுவ ஜீப்பில் தான் பயணம் செய்ய வேண்டும். ஆனால், அந்த மலைப்பாங்கான பிரதேசத்தில் அவர் ஜீப்பில் பயணம் செய்வது நன்றாக இல்லை. அத்துடன், காதலியுடன் அந்த இடத்துக்குப் புல்லட்டில் போவதுதான் நன்றாக இருக்கும் என்பதால், ஜீப்புக்குப் பதிலாக புல்லட்டை மாற்றினோம்” என்கிறார்.
‘நீலாக்சம் பச்சகடல் ச்சுவன்ன பூமி’ மற்றும் ‘பெங்களூர் டேஸ்’ ஆகிய படங்களில் ஏற்கெனவே புல்லட் ஓட்டியிருக்கிறார் துல்கர் சல்மான் என்பது குறிப்பிடத்தக்கது.
