என்னடா இது பாகுபலிக்கு வந்த சோதனை: படத்த வாங்க ஆள் இல்லையா?

பாகுபலியின் முதல் பாகத்தின் மாபெரும் வெற்றியை தொடர்ந்து பாகுபலி 2 ஆம் பாகத்தை பார்க்க சினிமா ரசிகர்கள் மிக ஆர்வமாக உள்ளனர். 

பாகுபலி முதல் பாகத்தின் பிரமாண்ட வெற்றியின் காரணமாக 2 ஆம் பாகத்திற்காக பட விநியோகம் செய்யும் வேலை மிகவும் சுலபமானதாக இருக்கும் என எதிர்ப்பார்க்கப்பட்டது.

ஆந்திரா, தெலுங்கானா, தமிழ்நாடு, கேரளா உள்ளிட்ட மாநிலங்களில் பாகுபலி 2 படத்தின் விநியோகம் மிக ஜோராக நடந்து வருகிறது. 

இந்நிலையில் பாகுபலி 2 படத்தை கர்நாடகாவில் வாங்க ஆளில்லாத சூழல் நிலவுகிறது. கர்நாடகா பட்ஜெட்டின் போது, சினிமா டிக்கெட் விலை அதிகபட்சம் 200 ரூபாய் என நிர்ணயிக்கப்பட்டது. 

இதன் காரணமாக அதிக விலை கொடுத்து பாகுபலி 2 ஆம் பாக படத்தை வாங்க எந்த விநியோகஸ்தர்களும் முன்வரவில்லை. இதனால் கர்நாடகாவில் படத்தை எப்படி விற்பது என்ன கவலையில் உள்ளார் பாகுபலி தயாரிப்பாளர்.