அயலான் மற்றும் கேப்டன் மில்லர் தெலுங்கு ரிலீஸ் எப்போது?
சிவகார்த்திகேயன், ரகுல் ப்ரீத் சிங் மற்றும் யோகி பாபு நடிப்பில் இயக்குனர் ரவிகுமார் இயக்கத்தில் ‘அயலான்’ திரைப்படம் கடந்த 5 ஆண்டுகளாக உருவாக்கத்தில் இருந்து பல்வேறு பொருளாதார பிரச்சனைகளைத் தாண்டி ஜனவரி 12 ஆம் தேதி ரிலீஸ் ஆனது.
கேப்டன் மில்லர், அயலான், மிஷன் 1 மற்றும் மெரி கிறிஸ்துமஸ் ஆகிய படங்கள் ரிலீஸான நிலையில் அயலான் படத்துக்கு பாசிட்டிவ்வான விமர்சனங்கள் கிடைத்து வருகின்றன. வசூலில் கேப்டன் மில்லர் மற்றும் அயலான் ஆகிய இரண்டு படங்களுமே ஆவரேஜாக வசூலித்ததாக சொல்லப்பட்டது.
இந்த இரு படங்களும் தெலுங்கில் இன்னும் ரிலீஸாகவில்லை. இந்நிலையில் இப்போது இந்த இரு படங்களும் ஜனவரி 26 ஆம் தேதி ஆந்திரா மற்றும் தெலங்கானாவில் ரிலீஸ் ஆகவுள்ளதாக சொல்லப்படுகிறது. அங்கு சங்கராந்தியை முன்னிட்டு முன்னணி நடிகர்களின் படங்கள் ரிலீஸ் ஆனதால் தமிழ் படங்களின் ரிலீசை தள்ளிவைத்தனர்.
