இவ்ளோவ் நாள் யாருக்காச்சும் தோணுச்சா...? Black & White சேலஞ்சிற்கு அர்த்தம் சொன்ன ஆண்ட்ரியா...!
நடிகை ஆன்ட்ரியா தமிழில் பச்சைக்கிளி முத்துச்சரம் படம் மூலம் அறிமுகமானவர். தொடர்ந்து தனது கதாபாத்திரத்திற்கு முக்கியத்துவம் உள்ள படத்தில் மட்டுமே நடித்து வருகிறார். மேலும் ஒரு திறமையான பாடகி என்பது அனைவரும் அறிந்ததே. பல்வேறு திரைப்பட பாடல்களையும் பாடியிருக்கிறார்.
இவரது நடிப்பில் வெளிவந்த வட சென்னை, தரமணி, ஆயிரத்தில் ஒருவன் உள்ளிட்ட படங்கள் ரசிகர்களோடேயே நல்ல வரவேற்பை பெற்றதுடன் திறமையான நடிகையாக பார்க்கப்பட்டார். இதற்கிடையில் அவ்வப்போது ஆல்பம் சாங் , மேடை கச்சேரி உள்ளிட்ட இடங்களில் பாடல் பாடி அசத்தி வருகிறார்.
இந்நிலையில், கொரோனா லாக்டவுனில் வீட்டில் இருந்து வரும் நடிகை ஆன்ட்ரியா தனது இன்ஸ்டாகிராம் பக்கத்தில் WomenSupportingWomen என்ற ஹேஷ் டேக்கில் நடிகைகள் பலரும் Black & White போட்டோக்களை பதிவிட்டு வருவதன் அர்த்தம் கூறியுள்ளளார். அதில், "பெண்களுக்கு ஆதரவாக பெண்கள் இருக்கவும், பெண்களுக்கு எதிரான குற்றங்களை நிறுத்தவும், பெண்களை சமமாக நடத்தவும் தான் இந்த சேலஞ்ஜின் நோக்கம் என பதிவிட்டுள்ளார்.
