முதல்வர் கொரோனா நிவாரண நிதி; ரூ.10 கோடி அளவில் ஹூண்டாய் உதவி!
தமிழகத்தில் கொரோனா பாதிப்புகளை தடுக்க முதல்வர் நிவாரண நிதிக்கு பலரும் நிதியளித்து வரும் நிலையில் ஹூண்டாய் நிறுவனமும் நிதியளித்துள்ளது.
தமிழகம் முழுவதும் கொரோனா இரண்டாம் அலை பாதிப்புகள் தீவிரமடைந்துள்ள நிலையில் கொரோனா தடுப்பு நடவடிக்கைகளுக்காக தாராளமாக நிதி வழங்க கோரி முதல்வர் மு.க.ஸ்டாலின் வேண்டுகோள் விடுத்தார். அதை தொடர்ந்து அரசியல் பிரபலங்கள், திரை பிரபலங்கள் முதல்வரின் கொரோனா நிவாரண நிதிக்கு நிதியளித்து வருகின்றனர்.
இந்நிலையில் ஹூண்டாய் நிறுவனமும் நிதியளித்துள்ளது. முதல்வர் மு.க.ஸ்டாலினை நேரில் சந்தித்த ஹூண்டாய் நிறுவன அறங்காவலர் ரமேஷ் ரூ.5 கோடிக்கான காசோலையையும், ரூ.5 கோடி மதிப்பிலான மருத்துவ உபகரணங்களையும் வழங்கினார்
