200 கோடிக்கு வாங்கப்பட்ட சஜித் நடியட்வாலாவின் மூன்று படங்கள்

பிரபல தயாரிப்பாளர் சஜித் நடியட்வாலாவின் மூன்று படங்களை 200 கோடிக்கு யுடிவி வாங்கியுள்ளதாக தகவல்கள் தெரிவிக்கின்றன.

சஜித் நடியட்வாலாவின் தயாரிப்பில் விரைவில் ஹவுஸ்ஃபுல் 3 தொடங்கப்பட உள்ளது. இதனை இப்போதே 100 கோடிக்கு ஈரோஸ் நிறுவனம் வாங்கியுள்ளது.

அதேபோல் சைஃப் அலிகான், கத்ரினா நடித்து வரும் பேண்டம், ரன்பீர் கபூர், தீபிகா படுகோன் நடித்து வரும் தமாஷா, சபீர் கான் இயக்கத்தில் டைகர் ஷெராஃப் நடிக்கும் புதிய படம் என மூன்று படங்களை யுடிவி 200 கோடிக்கு வாங்கியுள்ளது. 

200 கோடி என்பது மினிமம் கியாரண்டி. அதற்கு மேல் வரும் லாபத்தை இரு தரப்பும் பங்கிட்டு கொள்ளும் என தெரிகிறது.

தயாரிப்பாளராக இருந்த சஜித் நடியட்வாலா இந்த வருடம் வெளியான சல்மான் கானின் கிக் படத்தின் மூலம் இயக்குனராகவும் அறிமுகமானது குறிப்பிடத்தக்கது.