பெண்களை தன்னம்பிக்கையோடு வாழ வழிகாட்டும் பெர்சிவ்ர் வுமன் பார் கிரீன் எர்த்

பெண்களை தன்னம்பிக்கையோடு வாழ வழிகாட்டும் பெர்சிவ்ர் வுமன் பார் கிரீன் எர்த்


Sasikala| Last Updated: வெள்ளி, 8 ஏப்ரல் 2016 (13:28 IST)
1990 ஆம் ஆண்டில் மதுரையிலுள்ள நிர்மலா மகளிர் மேல்நிலைப்பள்ளியில் பன்னிரண்டாம் வகுப்பு முடித்த எனக்கு ஆசிரியையாக வேண்டும் என்கிற ஆர்வம் அதிகமாக இருந்ததால் ஆசிரியப் பயிற்சிக்கு விண்ணப்பித்து விட்டுக் காத்திருந்தேன்.

 


இந்த நிலையில் மதுரை சமூகப்பணிக் கல்லூரியில் இயங்கி வந்த தொண்டு நிறுவனத்தில் பணியாற்றும் வாய்ப்பு என்னைத் தேடி வந்தது. ஆசிரியப் பயிற்சியில் சேரும் வரை கிடைத்த பணியைச் செய்வோம் என்கிற எண்ணத்தில் அந்தப்பணியில் சேர்ந்தேன். 
 
காய்கறி வணிகம் செய்யும் பெண்களுக்குச் சிறிய அளவிலான கடன் கொடுத்து அவர்களை வணிகத்திலும், பொருளாதாரத்திலும் முன்னேற்றமடைய வழிகாட்டும் பணி அது. அந்தப்பணி என் ஆசிரியப்பணியின் மேலான ஆர்வத்தை மாற்றி எனக்குப் புதிய வழியைக் காட்டியது. இதற்கிடையில்  வீடு கட்டுவதற்குக் கடன் வழங்கும் பொது நிறுவனமொன்றில் க்ளெர்க் பதவிக்கு வேலையில் சேர்ந்த நான் அவர்களுடைய இன்னொரு நிறுவனமான ரிசார்ட்டில் தமிழக அளவில் முதல் பெண் விற்பனைப் பிரதிநிதியாக தேர்ந்தெடுக்கப்பட்டேன்.


 
 
இதற்கிடையில் திருமணம், மேற்படிப்பு இதைத் தொடர்ந்து தனியார் நிறுவனத்தில் விற்பனை மேலாளர், மதுரையில் பல கிளைகளைக் கொண்ட உணவகம் ஒன்றில் கேட்டரிங்  மேலாளர் என்று பல்வேறு பணிகளுக்குச் சென்றேன். இந்தப்பணிகளில் என் குடும்பத்தின் பொருளாதாரம் மேம்பட்டது குழந்தை பிறந்து விடுமுறையில் இருந்த நேரம் தையல், பொம்மைகள் மற்றும் கலைப்பொருட்கள் செய்தல் போன்ற பெண்களுக்கான பல்வேறு சுயதொழில் பயிற்சிகளை மனமகிழ்ச்சியுடன் கற்றுக் கொண்டேன்...
 
2004 ஆம் ஆண்டில் மதுரை பல்நோக்கு சமூகப்பணி மையத்தில் எய்ட்ஸ் நோயால் பாதிக்கப்பட்டவர்கள் வாழ்க்கைக்கு நல்வழிகாட்ட, அவர்களுக்குப் பல்வேறு சுயதொழில் பயிற்சி அளிக்கும் பணிக்கு அழைப்பு வந்தது. 
 
மேலும் அடுத்த பக்கம் பார்க்க..........


இதில் மேலும் படிக்கவும் :