உடலுறவு கொள்ளத் தடையால், உலகக் கோப்பை கால்பந்து அணிகள் தோல்வியா?

உடலுறவு,  உலகக் கோப்பை, கால்பந்து, பிரேசில், அழகிகள், புவி வெப்பமயம், FIFA
செல்வன்| Last Updated: சனி, 5 ஜூலை 2014 (13:30 IST)
ற்போது பிரேசிலில் நடைபெற்று வரும் உலகக் கோப்பை கால்பந்துப் போட்டியில் ஆடும் சில அணிகளின் வீரர்கள் போட்டி நடைபெறும் காலக்கட்டத்தில் உடலுறவு கொள்ளத் தடை விதிக்கப்பட்டுள்ளது. ஆட்ட நேரத்தில் அழகிகள் பின்னால் சுற்றாமல் போட்டியில் கவனம் செலுத்தும் பொருட்டு இந்தத் தடையைச் சில நாடுகளின் கால்பந்துக் கழகங்கள் விதித்துள்ளன.

ஆனால் இப்படி தடை செய்யப்பட்ட அனைத்து நாடுகளும் போட்டியில் தோற்று வெளியேறிவிட்டதால் இத்தடையை மறுபரிசீலனை செய்யவேண்டும் எனக் கோரிக்கை எழுந்துள்ளது.

 
ரஷ்யா, போஸ்னியா, மெக்சிகோ, சிலி அணிகள் இத்தடையை வீரர்களுக்கு விதித்திருந்தன. பெல்ஜியம் முதல் மூன்று வாரங்களுக்கு மட்டுமே இத்தடையை விதித்திருந்தது. ஜூலை 1 அன்று நடைபெற்ற காலிறுதிக்கு முந்தைய ஆட்டத்தில் அமெரிக்காவைப் பெல்ஜியம் வீழ்த்திய அன்று இந்தத் தடை முடிவுக்கு வந்ததால் பெல்ஜிய அணி வீரர்கள் இந்த வெற்றியை 'முழு குதூகலத்துடன்' கொண்டாடி இருப்பார்கள் என்பதில் ஐயம் இல்லை.

அதே சமயம் போட்டியிலும் தோற்று, தடையும் நீங்காமல் ஊர் திரும்பும் ரஷ்யா, மெக்சிகோ, சிலி, போஸ்னியா அணி வீரர்கள் தம் நாட்டு கால்பந்துக் கழகச் சங்கத் தலைவர்கள் மேல் கடும் கோபத்துடன் இருப்பதாகத் தகவல் கிடைத்துள்ளது.


இதில் மேலும் படிக்கவும் :