டெஸ்ட் கிரிக்கெட்: வலுவான நிலையில் இங்கிலாந்து, திணறும் பாகிஸ்தான்
பாகிஸ்தான் மற்றும் இங்கிலாந்து அணிகளுக்கு இடையே நடைபெற்று வரும் 2வது கிரிக்கெட் டெஸ்ட் போட்டியில் பாகிஸ்தான் அணி முதல் இன்னிங்ஸில் 174 ரன்களுக்கு அனைத்து விக்கெட்டுக்களையும் இழந்தது என்பதை ஏற்கனவே பார்த்தோம்.
இந்த நிலையில் முதல் இன்னிங்ஸை தொடங்கிய இங்கிலாந்து அணி 96 ஓவர்களில் 7 விக்கெட்டுக்களை இழந்து 302 ரன்கள் குவித்துள்ளது. இந்த அணி பாகிஸ்தான் அணியை விட 128 ரன்கள் முன்னிலை பெற்றுள்ளது.
இங்கிலாந்து அணியின் பெஸ் 49 ரன்களும், குக் 46 ரன்களும், ரூட் 45 ரன்களும் எடுத்துள்ளனர். பாகிஸ்தான் தரப்பில் அமீர், அஷ்ரப் தலா இரண்டு விக்கெட்டுக்களையும், அப்பாஸ், ஹசன் அலி, ஷதாப் கான் தலா ஒரு விக்கெட்டையும் வீழ்த்தியுள்ளனர்.
இன்னும் மூன்று நாள் ஆட்டம் மீதியுள்ள நிலையில் இந்த போட்டி இங்கிலாந்துக்கு சாதகமாக செல்லுமா? என்பதை பொறுத்திருந்து பார்ப்போம்
