1. பொழுதுபோக்கு
  2. »
  3. சினிமா
  4. »
  5. சினிமா செய்தி

ஆரவார அருந்ததீ

அருந்ததீ அனுஷ்கா ஸ்ரீ தேனாண்டாள் பிலிம்ஸ்
டப்பிங் படங்கள் - அதிலும் தெலுங்கிலிருந்து டப் செய்யப்படும் படங்கள் வரவேற்பை பெறுவதில்லை என்ற வருத்தத்தை துடைத்திருக்கிறது அருந்ததீ.

கோடி ராமகிருஷ்ணா இயக்கத்தில் அனுஷ்கா நடித்த இந்தப் படம் தெலுங்கில் ஐம்பது கோடிகளுக்கும் மேல் வசூல் செய்து சாதனை படைத்தது (அங்கு இதன் பெயர் அருந்ததி. தமிழில் தீ ஆகியிருக்கிறது). அருந்ததீயை ராம. நாராயணனின் ஸ்ரீ தேனாண்டாள் பிலிம்ஸ் வெளியிட்டுள்ளது.

நேற்று வெளியான இந்தப் படம் தமிழகம் முழுவதும் பெ‌ரிய படங்களுக்கு நிகரான வசூலை‌ப் பெற்று ஆச்ச‌ரியப்படுத்தியிருக்கிறது. படத்தின் கிராஃபிக்ஸ் காட்சிகள் மிரட்டலாக அமைந்துள்ளதும், ஆவியின் அமானுஷ்ய அட்டகாசங்களும் ரசிகர்களை பெ‌ரிதும் கவர்ந்திருக்கிறது.

தற்சமயம் ஓடிக் கொண்டிருக்கும் படங்களில் ஆவிகளைப் பற்றிய யாவரும் நலம் படமே ரசிகர்களின் ஏகோபித்த வரவேற்பை பெற்றிருக்கிறது. இப்போது அருந்ததீ யாவரும் நலத்துடன் இணைந்திருக்கிறது.

இவ்விரு படங்களும் அமானுஷ்ய படங்களுக்கான மார்க்கெட்டை மீண்டும் தூசு தட்டியிருக்கின்றன.