கேம் சேஞ்சர் படத்தின் டீசர் ரிலீஸ் தேதியை அறிவித்த படக்குழு!
ஆர் ஆர் ஆர் படத்துக்குப் பிறகு இந்திய சினிமாவின் பிரபலமான நடிகர்களில் ஒருவராக உருவாகியுள்ளார் ராம்சரண். கேம்சேஞ்சர் படத்தை ஷங்கர் இயக்க தெலுங்கு தயாரிப்பாளர் தில் ராஜூ தயாரிக்கிறார். இந்த படத்துக்கு இயக்குனர் கார்த்திக் சுப்பராஜ் கதை எழுதியுள்ளார். படத்தில் வில்லனாக எஸ் ஜே சூர்யா நடிக்கிறார். தமன் முதல் முதலாக ஷங்கர் படத்துக்கு இசையமைக்கிறார்.
இந்த படம் கிட்டத்தட்ட 2 ஆண்டுகளாக உருவாகி வருகிறது. ஆனால் இதுவரை ஒரு பாடலைத் தவிர வேறு எந்த அப்டேட்டும் வெளியாகவில்லை. படம் கிறிஸ்துமஸ்ஸுக்கு வெளியாகும் என அறிவிக்கப்பட்டு பின்னர் அடுத்த ஆண்டு சங்கராந்திக்குத் தள்ளிவைக்கப் பட்டுள்ளது.
இந்நிலையில் படத்தின் டீசர் இம்மாதம் 9 ஆம் தேதி பிரம்மாண்டமாக உத்திரப் பிரதேச மாநிலம் லக்னோவில் நடக்கவுள்ளதாக அறிவிக்கப்பட்டுள்ளது.
