இயக்குனர் ராம் படத்தின் படப்பிடிப்புத் தளத்தில் மிஷ்கின்!

இயக்குனர் ராம் இயக்கி வரும் புதிய படத்தில் நிவின் பாலி, அஞ்சலி மற்றும் சூரி ஆகியோர் நடித்து வருகின்றனர்.

இயக்குனர் ராம் பேரன்பு படத்துக்குப் பிறகு நிவின் பாலி நடிப்பில் சுரேஷ் காமாட்சி தயாரிக்கும் புதிய படத்தை இயக்கி வருகிறார். இந்த படம் தமிழ் மற்றும் மலையாளம் என இருமொழிகளிலும் உருவாகி வருகிறது. இந்த படத்தில் அஞ்சலி மற்றும் சூரி ஆகியோர் முக்கியமான கதாபாத்திரங்களில் நடிக்கின்றனர். கடந்த மாதம் தொடங்கப்பட்ட இந்த படத்தின் படப்பிடிப்பு விறுவிறுப்பாக நடந்து வருகிறது.

இதையடுத்து தயாரிப்பாளர் மாநாடு படத்தின் ரிலீஸில் பிஸியாக இருந்ததால் இந்த படத்துக்கு ஒரு சிறு இடைவேளை விடப்பட்டு இருந்தது. இதையடுத்து இப்போது மீண்டும் ராமேஸ்வரத்தில் இரண்டாம் கட்ட படப்பிடிப்பு தொடங்கியுள்ளது. தொடந்து ஒரு மாதம் நடக்கும் இந்த படப்பிடிப்போடு பெரும்பாலானக் காட்சிகள் படமாக்க பட்டு முடிக்க உள்ளதாம். ஜனவரி மாதத்துக்குள் மொத்த படமும் முடிக்கப்படும் என சொல்லப்படுகிறது.

இந்நிலையில் இப்போது படத்தின் முக்கியமான காட்சிகளை சென்னை பொன்னேரியில் உள்ள ஏ ஆர் ரஹ்மானின் ஸ்டுடியோவில் பிரம்மாண்டமாக ரயில் அரங்கு அமைக்கப்பட்டு அதி படப்பிடிப்பை நடத்தி வருகிறாராம் இயக்குனர் ராம். படப்பிடிப்புத் தளத்தில் படக்குழுவோடு நடிகர் சூரி இணைந்துள்ளார். மேலும் இயக்குனர் ராமின் நெருங்கிய நண்பரான மிஷ்கின் படப்பிடிப்புத் தளத்துக்கு சென்று படக்குழுவினரை சந்தித்துள்ளார்.