ஊழலில் இருந்து நேர்மைக்கு பயணம் – கமல்ஹாசன்
’நன்னம்பிக்கை பொங்கட்டும் நந்தமிழர் நாளில்’ என்று நடிகர் கமல்ஹாசன் தனது டுவிட்டர் பக்கத்தில் மக்களுக்கு வாழ்த்துகள் தெரிவித்துள்ளார்.
இன்னும் சில மாதத்தில் தமிழகத்தில் சட்டமன்றத் தேர்தல் நடைபெறவுள்ளது. இதில் வெற்றி பெறவேண்டி, திமுக, அதிமுக, மக்கள் நீதி மய்யம், நாம் தமிழர் கட்சி உள்ளிட்ட பல கட்சியினரும் தொடர்ந்து பிரசாரத்தில் ஈடுபட்டுள்ளனர்.
இந்நிலையில் சினிமா, பிக்பாஸ் என்ற சின்னத்திரை நிகழ்ச்சி ஆகியவற்றுடன் தற்போது அரசியலில் குறித்து வரவுள்ள சட்டமன்றத் தேர்தலுக்காக முழு வீச்சில் தயாராகி வரும் நடிகர் கமல்ஹாசன் தனது டுவிட்டர் பக்கத்தில் தமிழக மக்களுக்கு பொங்கல் வாழ்த்துகள் தெரிவித்துள்ளார்.
இதுகுறித்து அவர் பதிவிட்டுள்ளதாவது :
அச்சத்தில் இருந்து துணிவுக்கு; ஊழலில் இருந்து நேர்மைக்கு; தீமைகளில் இருந்து நன்மைக்குச் செல்லும் பயணத்தைத் தொடங்கியிருக்கிறோம். பாதையில் உற்சாகம் பொங்கட்டும். நந்தமிழர் திருநாளில் நன்னம்பிக்கை பொங்கட்டும். அதன் குறியீடாக பொங்குக பொங்கல் எனத் தெரிவித்துள்ளார்.
