நடிகை மீராமிதுன் மீண்டும் கைது!
ஏற்கனவே பட்டியலினத்தவர் குறித்து சர்ச்சைக்குரிய வகையில் பேசிய வீடியோவை வெளியிட்ட மீராமிதுன் கைது செய்யப்பட்டுள்ள நிலையில் தற்போது மேலும் ஒரு வழக்கில் அவர் கைது செய்யப்பட்டுள்ளது பரபரப்பை ஏற்படுத்தி உள்ளது
நடிகையும் பிக் பாஸ் போட்டியாளருமான மீராமிதுன் கடந்த சில நாட்களுக்கு முன்னர் பட்டியலினத்தவர் குறித்து சர்ச்சைக்குரிய வகையில் பேசினார். இதனையடுத்து அவர் மீது வழக்கு பதிவு செய்யப்பட்ட நிலையில் திடீரென அவர் தலைமறைவானார். ஆனால் கேரளாவில் அவர் கண்டுபிடித்த தனிப்படை போலீசார் அவரை கைது செய்து சிறையில் அடைத்தனர். அவரது ஜாமீன் மனுவும் விசாரணைக்கு வர உள்ளது என்பது குறிப்பிடத்தக்கது
இந்த நிலையில் பிரபல நட்சத்திர விடுதி மேலாளரை மிரட்டியதாக மீராமிதுன் மீது பதிவு செய்யப்பட்ட வழக்கில் தற்போது மீண்டும் அவர் கைது செய்யப்பட்டுள்ளார். புழல் சிறையில் இருக்கும் மீராமிதுனை எழும்பூர் காவல் நிலையத்தில் உள்ள போலிசார் இரண்டாவது முறையாக கைது செய்தனர் என்பதும் அவரிடம் இந்த வழக்கு குறித்து விசாரணை செய்ய முடிவு செய்துள்ளனர் என்பது குறிப்பிடத்தக்கது
