தயாரிப்பாளருக்கு 10 கோடியைத் திருப்பிக் கொடுக்க ஒப்புக்கொண்ட தனுஷ்!
நடிகர் தனுஷ் நடிக்கும் புதிய திரைப்படங்களின் பணிகளை துவங்குவதற்கு முன்பாக தமிழ்த் திரைப்படத் தயாரிப்பாளர்கள் சங்கத்தை கலந்தாலோசிக்க வேண்டும் என்று அச்சங்கம் அறிவிப்பு வெளியிட்டுள்ளது. தனுஷ் இயக்கி நடித்த 'ராயன்' படம் கடந்த மாதம் 26 ஆம் தேதி வெளியாகி ரசிகர்கள் மத்தியில் பெரும் வரவேற்ப்பை பெற்றது குறிப்பிடத்தக்கது.
இதற்குக் காரணம் தயாரிப்பாளர் பைவ் ஸ்டார் கதிரேசனிடம் அட்வான்ஸ் வாங்கிவிட்டு அதற்குப் படம் நடித்துக் கொடுக்கவில்லை என்பதும் தேனாண்டாள் முரளி தயாரிப்பில் தனுஷ் ஒரு படம் நடிக்க ஒப்பந்தம் ஆகி பாதி ஷூட்டிங் நடந்த நிலையில் அந்த படம் கைவிடப்பட்டதும் காரணம் என சொல்லப்படுகிறது.
இதையடுத்து நடந்த பேச்சுவார்த்தையில் தனுஷ், பைவ் ஸ்டார் கதிரேசனுக்கு வாங்கிய அட்வான்ஸ் பணத்துக்கு வட்டியோடு சேர்த்து 10 கோடி ரூபாயை திருப்பிக் கொடுக்க ஒப்புக்கொண்டதாக சொல்லப்படுகிறது. மேலும் தேனாண்டாள் பிலிம்ஸ் நிறுவனத்துக்கு புதிய படம் ஒன்றில் நடித்துக் கொடுக்கவும் சம்மதம் தெரிவித்துள்ளாராம்.
