தொடர்புடைய செய்திகள்
சிறப்பான சம்பவம் இருக்கு.... மாஸ்டர் ட்ரைலர் குறித்து விஜய் சேதுபதி!
லோகேஷ் கனகராஜ் இயக்கத்தில் தளபதி விஜய் "மாஸ்டர்' படத்தில் நடித்து வருகிறார். கல்லூரி பேராசிரியராக விஜய் நடித்துள்ள இப்படத்தில் அவருக்கு ஜோடியாக மாளவிகா மோகன் நடித்துள்ளார். இவர்களோடு சாந்தனு பாக்யராஜும் , வில்லனாக விஜய் சேதுபதியும் நடித்துள்ளனர்.
மேலும் ஆன்ட்ரியா, 96 புகழ் கௌரி கிஷன் உள்ளிட்ட சிலர் முக்கிய கதாபாத்திரத்தில் நடித்துள்ளனர். கடந்த ஏப்ரல் 9-ஆம் தேதியே வெளியாகவிருந்த இப்படம், கொரோனா வைரஸ் காரணமாக திரையரங்குகள் மூடப்பட்டுள்ளதால் ரிலீஸ் தேதி குறிப்பிடாமல் ஒத்திவைக்கப்பட்டுள்ளது.
இந்நிலையில் சமீபத்தில் பேட்டி ஒன்றில் பங்கேற்ற விஜய் சேதுபதியிடம் மாஸ்டர் படத்தின் ட்ரைலர் குறித்து கேட்டதற்கு, " மாஸ்டர் படத்தோட ட்ரைலர் நான் பார்த்துட்டேன். மிகவும் நன்றாக வந்துள்ளது. இது கண்டிப்பாக தளபதி ரசிகர்கள் அனைவருக்கும் பிடிக்கும்" என கூறி எதிர்பார்ப்பை எகிறவைத்துள்ளார். மாஸ்டர் படம் 2021 பொங்கல் ஸ்பெஷலாக வெளியாகும் என கூறப்படுவது குறிப்பிடத்தக்கது.
அடுத்த கட்டுரையில்
