Widgets Magazine

ராகுல் கொடுத்த 13 தொகுதிப்பட்டியல் – ஆலோசனையில் திமுக !

Last Updated: சனி, 9 மார்ச் 2019 (18:09 IST)
கூட்டணியில் இடம்பெற்றுள்ள காங்கிரஸுக்கு ஒதுக்கப்படவுள்ள 10 தொகுதிகளுக்கான ஆலோசனைக் கூட்டம் இன்று நடைபெற்றது.

தமிழகத்தில் திமுக தலைமையிலான கூட்டணியில் காங்கிரஸ் இணைந்து 10 தொகுதிகளைப் பெற்றுள்ளது. திமுக கூட்டணியில் உள்ள கட்சிகளிலேயே காங்கிரஸுக்கு மட்டுமே அதிகளவில் தொகுதிகள் ஒதுக்கப்பட்டுள்ளன. திமுக 20 தொகுதிகளிலும் காங்கிரஸ் உள்ளிட்ட மற்ற கூட்டணிக் கட்சிகள் 20 தொகுதிகளிலும் போட்டியிட இருக்கின்றன. ஆனால் இன்னமும் கூட்டணிக் கட்சிகளுக்கான தொகுதிகள் எவை என்பதை திமுக அறிவிக்கவில்லை.

இதையடுத்து காங்கிரஸின் சார்பில் அமைக்கப்பட்டுள்ள கூட்டணி கட்சிகளின் பேச்சுவார்த்தைக் குழு இன்று தங்கள் கட்சிக்கு விருப்பமுள்ள 13 தொகுதிகளின் பட்டியலை திமுக தலைமையிடம் ஒப்படைத்துள்ளது. இந்தப் பட்டியல் காங்கிரஸ் தலைவர் ராகுல் காந்தியின் ஒப்புதலுக்குப் பிறகு திமுகவிடம் ஒப்படைக்கப்பட்டுள்ளதாகக் கூறப்படுகிறது.

மேலும் திமுகவிடம் ஒப்படைக்கப்பட்டுள்ள பட்டியலில் 10 தொகுதிகளில் காங்கிரஸின் வெற்றிக்கான வாய்ப்புகள் குறித்தும் விளக்கப்பட்டுள்ளது. அந்த 13 தொகுதிகளில் 10 தொகுதிகளைக் காங்கிரஸ் கேட்டுள்ளதாகத் தெரிகிறது. இது சம்மந்தமாக ஆலோசனை நடத்தி வரும் திமுக மற்றக் கூட்டணிக் கட்சிகளோடு ஆலோசித்த பின்னர் விரைவில் காங்கிரஸுக்கான தொகுதிகளை வெளியிடும் என எதிர்பார்க்கப்படுகிறது.

 



இதில் மேலும் படிக்கவும் :