பிரியங்கா காங்கிரஸ் கட்சியின் தலைவராக வாய்ப்பிருக்கிறதா?? மத்திய அமைச்சரின் பதில் என்ன?

Last Updated: ஞாயிறு, 21 ஜூலை 2019 (16:12 IST)
காங்கிரஸ் கட்சியின் தேசியத் தலைவராக பிரியங்கா காந்திக்கு வாய்ப்புள்ளதாக முன்னாள் மத்திய அமைச்சர் நட்வர் சிங் குறிப்பிட்டுள்ளார்.

மக்களவை தேர்தலில் காங்கிரஸ் படுதோல்வி அடைந்ததை தொடர்ந்து காங்கிரஸ் கட்சியின் தலைவர் பதவியை ராகுல் காந்தி ராஜினாமா செய்தார். ஆனால் இன்னும் ராகுல் காந்தியின் ராஜினாமா ஏற்கப்படாத நிலையில், ஒரு வேளை ஏற்கப்பட்டால் காங்கிரஸ் கட்சியின் தேசிய தலைவராக பிரியங்கா காந்திக்கு வாய்ப்புள்ளதா? என முன்னாள் மத்திய அமைச்சரும் காங்கிரஸின் மூத்த தலைவருமான நட்வர் சிங்கிடம் செய்தியாளர்கள் கேள்வி எழுப்பினர். அதற்கு பதிலளித்த நட்வர் சிங், தலைவர் பதவி தொடர்பாக பிரியங்கா காந்திதான் தீர்மானிக்க வேண்டும் எனவும், மேலும் காங்கிரஸின் அடுத்த தலைவராக நேரு குடும்பத்திலிருந்து வராத வேறு யாராவது கூட வரலாம் என ராகுல் காந்தி தெரிவித்துள்ள நிலையில், இந்த முடிவிலிருந்து அவரது குடும்பம் பின்வாங்க வேண்டியதாக கூட இருக்கலாம் எனவும் கூறியுள்ளார்.



இதில் மேலும் படிக்கவும் :