விபத்தில் சிக்கிய இளைஞரை மீட்டு தன் காரில் மருத்துவமனைக்கு அனுப்பிய எம்.பி., ஆ.ராசா

கோவை மாவட்டத்தில் உள்ள கணியூர் சுங்கச்சாவடி விபத்தில் சிக்கிய இளைஞரை மீட்டு தன் காரில் மருத்துவமனைக்கு அனுப்பி வைத்தார் எம்பி., ஆ.ராசா.

கோயம்புத்தூர் மாவட்டம் கணியூர் சுங்கச்சாவடி விபத்தில் இளைஞர் சிக்கினார். அப்போது, அந்த வழியே வந்த எம்.பியும் திமுக துணைப்பொதுச்செயலாளாருமான ஆ.ராசா,  இதைப் பார்த்துவிட்டு, தன் காரில் இருந்து கீழே இறங்கி வந்து, 'இவ்வளவு ஸ்பீடாக போகக் கூடாது' என்று அந்த இளைஞருக்கு அறிவுரை கூறி, ஆம்புலன்ஸ் வருதா, இல்லையா என்று அருகில் இருந்தவர்களிடம் கேட்டுவிட்டு, அடிப்பட்ட இளைஞரை  சிலர் தூக்கி   அவரது காரில் ஏற்றி இளைஞருடன் சிலரை  மருத்துவமனைக்கு அனுப்பி வைத்தார்.

அதன்பிறகு, எம்பி., ஆ.ராசா ஏர்போர்டிற்குச் சென்றார். இந்த வீடியோ சமூக வலைதளங்களில் பரவலாகி வருகிறது. எம்.பி.ஆ. ராசாவின் செயலுக்குப் பாராட்டுகள் குவிந்து வருகிறது.