பார்டர் கவாஸ்கர் தொடரில் அதிக ரன்கள் அடிக்கப் போவது யார்?.. ரிக்கி பாண்டிங் கணிப்பு!
இந்தியா - நியூசிலாந்து இடையேயான 3 போட்டிகள் கொண்ட டெஸ்ட் தொடர் இந்தியாவில் நடந்த நிலையில் மூன்று டெஸ்ட்களையும் தோற்று இந்திய அணி வொயிட்வாஷ் ஆனது. இந்திய கிரிக்கெட் வரலாற்றில் இந்திய அணி நியுசிலாந்திடம் வொயிட்வாஷ் ஆனது இதுதான் முதல் முறை.
இதையடுத்து டிசம்பர் மாதம் நடக்கவுள்ள பார்டர் கவாஸ்கர் தொடரில் இந்திய அணியின் மீதான அழுத்தம் கூடியுள்ளது. அந்த தொடரில் 4 போட்டிகளையாவது வென்றால்தான் இந்திய அணியால் உலக டெஸ்ட் சாம்பியன்ஷிப் இறுதிப் போட்டிக்குத் தகுதிப் பெற முடியும்.
இந்நிலையில் இந்த தொடரில் எந்த வீரர் சிறப்பாக விளையாடி அதிக ரன்கள் குவிப்பார் என்பது குறித்து ஆஸ்திரேலிய அணியின் முன்னாள் கேப்டன் ரிக்கி பாண்டிங் கணிப்பு ஒன்றை வெளியிட்டுள்ளார். அதில் ஸ்டீவ் ஸ்மித் அல்லது ரிஷப் பண்ட் ஆகிய இருவரில் ஒருவர் அதிக ரன்கள் சேர்ப்பார் என்றும், ஜோஷ் ஹேசில்வுட் அதிக விக்கெட்கள் வீழ்த்துவார் என்றும் கூறியுள்ளார்.
