வர்த்தக ஒப்பந்தத்துக்கு எதிர்ப்பு: உக்ரைனுக்கு ரஷ்யா எச்சரிக்கை

ஐரோப்பிய யூனியனோ, உக்ரைனோ தடையற்ற வர்த்தக ஒப்பந்தத்தை முன்னெடுத்துச் சென்றால் தக்க பதிலடி கொடுக்கப்படும் என ரஷ்யா எச்சரித்துள்ளது.

இந்த மாதம் கையெழுத்திடப்பட்ட கீவ் மற்றும் பிரஸ்ஸெல்ஸ் இடையேயான ஒப்பந்தத்தை முன்னெடுத்துச் சென்றால், உக்ரைன் நாட்டு உணவுப்பொருட்களின் மீதான இறக்குமதி வரியை உயர்த்தப்படும் என்று ரஷ்யா எச்சரித்துள்ளதை அடுத்து ஒப்பந்தம் 2015 டிசம்பர் 31 வரை தள்ளிப்போடப்பட்டுள்ளது.

இது குறித்து ரஷ்யா, “தடையற்ற வர்த்தக ஒப்பந்தத்தினால் பொருளாதாரம் பாதிக்கப்படும். ஏனென்றால் இதன் மூலம் உக்ரைனுக்கு ஐரோப்பிய நாடுகள் மலிவான உணவுப் பொருட்களை ஏற்றுமதி செய்வதோடு உள்ளூர் உற்பத்தியும் குறைந்துவிடும்” என்று கூறியுள்ளது.