ஆஸ்கர் திரைப் படங்களின் பெயர்கள் அறிவிப்பு

இந்த ஆண்டுக்கான ஆஸ்கர் விருதுகளுக்காக பரிந்துரைக்கப்பட்டுள்ள திரைப்படங்கள் மற்றும் கலைஞர்களின் பட்டியல் வெளியிடப்பட்டுள்ளது.

சிறந்த திரைப்படத்துக்கான விருதுக்கு பேர்ட்மேன், தி கிராண்ட் புடாபெஸ்ட் ஹோட்டல் உட்பட 8 படங்கள் போட்டியிடுகின்றன.

இந்த இரண்டு படங்களும் 9 வேறுபட்ட விருதுகளுக்குப் பரிந்துரை செய்யப்பட்டுள்ளன.

போலந்து, ரஷ்யா, எஸ்டோனியா, மோரிடானியா மற்றும் அர்ஜென்டினாவில் தயாரிக்கப்பட்ட படங்கள் சிறந்த வேற்று மொழித் திரைப்படத்துக்கான ஆஸ்கர் விருதுக்காக பரிந்துரைக்கப்பட்டுள்ளன.

ஹாலிவுட் திரையுலகில் உயர்ந்ததாகக் கருதப்படும் இந்த விருதுகள் வழங்கும் விழா எதிர்வரும் பிப்ரவரி 22 ஆம் தேதி நடைபெறவுள்ளது.

கடந்த ஆண்டு நடைபெற்ற ஆஸ்கர் விருது வழங்கும் விழாவை நான்கு கோடியே 30 லட்சம் அமெரிக்கர்கள் தொலைக்காட்சியில் பார்த்துள்ளனர்.

கடந்த பத்து ஆண்டுகளில் மிகவும் அதிகம் பேரால் பார்க்கப்பட்ட நேரடி ஒளிபரப்பு இதுதான்.