விஜய் சேதுபதியின் புதிய படத்துக்கு இசையமைக்கும் இசையமைப்பாளர்!
வாலு, ஸ்கெட்ச் படங்களை இயக்கிய விஜய் சந்தர் இயக்கத்தில் நடிகர் விஜய் சேதுபதி நடிக்க உள்ளார். இந்த படத்தை பழம்பெரும் பட தயாரிப்பு நிறுவனமான விஜயா புரொடக்சன் நிறுவனம் தயாரிக்க உள்ளது. இந்த படத்துக்கு டி.இமான் இசையமைக்க உள்ளதாக அறிவிக்கப்பட்டுள்ளது.
இது குறித்து மகிழ்ச்சி தெரிவித்துள்ள இமான், பாரம்பரியமான தயாரிப்பு நிறுவனமான விஜயா புரொடக்சன் நிறுவனம் தயாரிக்கும் படத்துக்கு இசையமைப்பது மகிழ்ச்சி அளிக்கிறது என்று கூறியுள்ளார்.
இந்த படத்துக்கு வேல்ராஜ் ஒளிப்பதிவு செய்கிறார். விஜய் சேதுபதிக்கு ஜோடியாக யாரை நடிக்க வைக்கலாம் என்பது குறித்து பேச்சுவார்த்தை நடந்து வருகிறது.
