வடிவேலு ரசிகனாக இதை மட்டும் சொல்வேன்… விஷால் பகிர்ந்த கருத்து!
நடிகர் வடிவேலு மீது விதிக்கப்பட்ட ரெட் நீக்கப்பட்டுள்ள நிலையில் அவர் அடுத்தடுத்து படங்களில் நடிக்க உள்ளார்.
வடிவேலு சிம்புதேவன் காம்போவின் ஹிட் காம்போவான இம்சை அரசன் 23 ஆம் புலிகேசி படத்தின் இரண்டாம் பாகத்தை உருவாக்க திட்டமிட்டனர். படத்தின் போஸ்டர் வெளியாகி சில நாட்கள் படப்பிடிப்பும் நடந்தது. ஆனால் வடிவேலுவுக்கும், இயக்குனர் மற்றும் தயாரிப்பாளர்களுக்கும் இடையே ஏற்பட்ட பிரச்சனையால் படப்பிடிப்பு நிறுத்தப்பட்டு ஒரு கட்டத்தில் படமும் கைவிடப்பட்டது. இதனால் லைகா நிறுவனத்துக்கு ஏற்பட்ட நஷ்டத்துக்கு வடிவேலு ஈடு செய்யவேண்டும் என்று அவருக்கு ரெட் விதிக்கப்பட்டது. இப்போது அந்த பிரச்சனை சுமூகமாக முடிந்துள்ளதாக சொல்லப்படுகிறது.
இதையடுத்து அவர் இப்போது வரிசையாக படங்களில் நடிக்க ஒப்பந்தமாகி வருகிறார். வடிவேலுவின் மறுவருகை ரசிகர்களுக்கு மட்டும் இல்லாமல் திரையுலகக் கலைஞர்களுக்குமே கூட உற்சாகத்தைக் கொடுத்துள்ளது. இந்நிலையில் நடிகர் விஷால் ‘ஒரு ரசிகனாக இது எனக்கு மகிழ்ச்சியாக உள்ளது. அவர் நிறைய படங்களில் நடிக்க வேண்டும் என்பதே எனது ஆசை’ எனக் கூறியுள்ளார்.
