விஜய் படத்தில் பாகுபலி கதாசிரியரின் பங்கு என்ன?
அட்லி இயக்கத்தில் விஜய் நடிக்கும் புதிய படத்துக்கு பாகுபலி கதாசிரியரும், ராஜமௌலியின் தந்தையுமான விஜயேந்திர பிரசாத் கதை, திரைக்கதை எழுதியிருப்பதாக கூறப்பட்டது. பிறகு இந்த செய்தி அப்படியே அமுங்கிப் போனது.
விஜய்யின் 61 -வது படமான இதில் விஜயேந்திர பிரசாத்தின் பங்களிப்பு என்ன?
இன்னும் பெயரிடப்படாத இந்தப் படத்துக்கு விஜயேந்திர பிரசாத் திரைக்கதை மட்டும் அமைத்துள்ளார். கதை, வசனம் அட்லியினுடையது. இன்னொரு முக்கியமான விஷயம், இந்தப் படத்தை தயாரிக்கும் ஸ்ரீ தேனாண்டாள் பிலிம்ஸுக்கு இதுதான் 100 -வது படம். சுந்தர் சி. இயக்கத்தில் பிரமாண்டமாக உருவாகவிருக்கும் சங்கமித்ரா படம்தான் 100 வது படம் என்று கூறி வந்தனர்.
விஜய் படம் முந்திக் கொண்டதால் 100 வது படம் என்ற பெருமை விஜய் படத்துக்கு கிடைத்துள்ளது.
