பிப்ரவரி 2 தொடங்குகிறது விஜய், அட்லி படம்
பைரவா திரையரங்களில் இன்னும் கலெக்ஷனை அள்ளிக் கொண்டிருக்கும் நிலையில், பிப்ரவரி 2 விஜய்யின் புதிய படம் தொடங்கவிருப்பதாக தகவல் வெளியாகியுள்ளது.
அட்லி இயக்கும் இந்தப் படத்தை ஸ்ரீ தேனாண்டாள் பிலிம்ஸ் தயாரிக்க, காஜல், சமந்தா நாயகிகளாக நடிக்கின்றனர். முக்கியமான வேடம் ஒன்றில் ஜோதிகா நடிக்கவிருப்பதாகவும் கூறப்படுகிறது.
இந்தப் படத்தின் முதல்கட்ட படப்பிடிப்பு பிப்ரவரி 2 சென்னையில் தொடங்கி அமெரிக்கா உள்ளிட்ட வெளிநாடுகளில் தொடரவிருக்கிறது. இந்தப் படத்தில் விஜய் தாடி மீசையுடன் கெட்டப்பை மாற்றி நடிக்கவிருப்பதாக கூறப்படுகிறது.
