15 ஆண்டுக்குப் பிறகு சீனியர் நடிகருக்கு ஜோடியான த்ரிஷா!
நடிகை த்ரிஷா சிரஞ்சீவி நடிக்க உள்ள லூசிபர் படத்தில் நடிக்க உள்ளதாக சொல்லப்படுகிறது.
கடந்த வருடம் மலையாளத்தில் மோகன் லால் நடிப்பில் நடிகர் பிரித்விராஜ் இயக்கத்தில் வெளியான சூப்பர் ஹிட் படம் லூசிபர். இப்படம் மலையாள சினிமாவில் 200 கோடி வசூலித்த முதல் திரைப்படம் என்ற சாதனையை நிகழ்த்தியது. இப்படத்தின் வெற்றியால் மற்ற மொழி படங்களிலும் ரீமேக் செய்யும் ஆர்வததைத் தூண்டியுள்ளது. இதையடுத்து இந்த படம் இப்ப்போது தெலுங்கில் ரீமேக் ஆகவுள்ளது. அதில் மோகன் லால் வேடத்தில் தெலுங்கு சூப்பர் ஸ்டார் சிரஞ்சீவி நடிக்கவுள்ளார்.
இந்த படத்தை ரீமேக் படங்களை இயக்குவதில் வல்லுனரான மோகன் ராஜா இயக்க உள்ளார். சிரஞ்சீவி தவிர்த்த மற்ற கதாபாத்திரங்களின் தேர்வுகள் நடந்து வரும் நிலையில் மஞ்சு வாரியர் நடித்த கதாபாத்திரத்தில் நயன்தாராவை நடிக்க வைக்க பேச்சுவார்த்தை நடத்தி வந்தார் இயக்குனர் மோகன்ராஜா. ஆனால் இப்போது அந்த கதாபாத்திரத்தில் த்ரிஷா நடிக்க உள்ளது உறுதியாகியுள்ளதாம்.
சிரஞ்சீவி அரசியலுக்கு செல்லும் முன்னர் அவருக்கு ஜோடியாக நடித்தார் திரிஷா. இப்போது 15 ஆண்டுகளுக்குப் பிறகு இருவரும் ஒரு படத்தில் நடிக்க உள்ளனர்.
