சத்யராஜ் மகனுக்கு சத்யா பெயரை விட்டுத் தந்த கமல்
பாருங்க... சத்யராஜ் மகன் என்றுதான் சிபியை இப்போதும் சொல்ல வேண்டியிருக்கிறது. நாலைந்து ஹிட் கொடுத்தால்தானே சிபியின் தந்தை சத்யராஜ் என்று எழுத முடியும்.
நிற்க. நாம் சொல்ல வந்தது, சிபியின் புதுப்படம் குறித்து. சைத்தான் படத்தை இயக்கிய பிரதீப் கிருஷ்ணமூர்த்தி சிபி நடிக்கும் படத்தை இயக்கி வருகிறார். கடந்த நவம்பரில் தொடங்கிய படம் முடிவடையும் நிலையில் உள்ளது. இதில் சிபி ஜோடியாக ரம்யா நம்பீசன் நடித்துள்ளார்.
இந்தப் படத்தில் வரலட்சுமிக்கு வெயிட்டான வேடம் தரப்பட்டுள்ளது. படத்துக்கு சத்யா என்று பெயர் வைத்தால் நன்றாக இருக்கும் என்று கமலிடம் அனுமதி கேட்டுள்ளனர். சத்யா கமல் நடித்த படமாயிற்றே.
அனுமதி கேட்டதும் மகிழ்ச்சியுடன் சத்யா பெயரை பயன்படுத்த அனுமதி அளித்துள்ளார் கமல்.
ஆக, சிபியின் அடுத்தப் படத்தின் பெயர், சத்யா என்பது உறுதியாகியிருக்கிறது.
