ரஜினியின் காலா படத்தில் கலக்கவரும் நான்கு தேசியவிருது பெற்ற பிரபலங்கள்!
பா.ரஞ்சித் இயக்கத்தில் ரஜினிகாந்த் நடிக்கும் புதிய படத்தின் பெயர் மற்றும் பர்ஸ்ட் லுக் போஸ்டர்கள் நேற்று வெளியானது. `காலா' கரிகாலன் என்ற பெயரில் போஸ்டர்கள் வெளியாகி இருந்தது. படத்தில் ரஜினியின் பெயர் கரிகாலன், படத்தில் அவரை `காலா' என்று அழைப்பார்கள் என்று ரஞ்சித் தெரிவித்துள்ளார்.
காலா படம் தமிழ், இந்தி, தெலுங்கு என 3 மொழிகளில் வெளியாகிறது. இந்தப் படம் வரும் மே 28-ம் தேதி மும்பையில் தொடங்குகிறது. படப்பிடிப்பில் கலந்து கொள்ள ரஜினிகாந்த் மும்பை செல்கிறார்.
இதுஒருபுறம் இருக்க `காலா' படக்குழுவில் தேசிய விருது பெற்ற 4 பிரபலங்கள் இடம் பெற்றுள்ளனர் என்பது குறிப்பிடத்தக்கது.
* தயாரிப்பாளர் தனுஷ் - நடிப்பு - `ஆடுகளம்', தயாரிப்பு - `காக்கா முட்டை', `விசாரணை'.
* எடிட்டர் ஸ்ரீகர் பிரசாத் - `ராக்', `ரக் பிராக்', `நாக்கா கரிட்ராமு', `தி டெரரிஸ்ட்', `வானபிரசாதம்', `கண்ணத்தில் முத்தமிட்டாள்', `ஃபிராக்' உள்ளிட்ட 7 படங்களில் சிறந்த எடிட்டராக தேசிய விருது பெற்றிருக்கிறார்.
* நடிகை அஞ்சலி பாட்டீல் - `நா பங்காரு தள்ளி' என்ற படத்திற்காக சிறப்பு தேசிய விருது பெற்றிருந்தார்.
* நடிகர் சமுத்திரக்கனி - சிறந்த துணை நடிகராக `விசாரணை' படத்திற்கு தேசிய விருது பெற்றிருந்தார்.
சண்டைப் பயிற்சியாளராக ‘அட்டகத்தி’யில் பணியாற்றிய திலீப் சுப்பராயன் பணியாற்ற இருக்கிறார். எடிட்டர் ஸ்ரீகர் பிரசாத் பணியாற்ற இருக்கிறார். சந்தோஷ் நாராயணன் இசையமைக்க உள்ள இப்படத்தில் பாலிவுட் நடிகை ஹூமா குரேஷியும் நடிக்கவிருப்பதாக செய்திகள் வெளியாகி இருக்கிறது. `காலா' குறித்த முழு அறிவிப்பு விரைவில் வெளியாகும் என்று எதிர்பார்க்கப்படுகிறது.
