லிஜோ ஜோஸ் பெல்லிசேரியில் இயக்கத்தில் எனது அடுத்த படம்… மோகன்லால் அறிவிப்பு!
மலையாள சினிமாவில் தற்போது இருக்கும் முக்கியமான இயக்குனர்களில் லிஜோ ஜோஸ் பெல்லிச்சேரியும் ஒருவர். அவர் இயக்கிய அங்கமாலி டைரிஸ், ஈ மா வு மற்றும் ஜல்லிக்கட்டு ஆகிய படங்கள் மிகப்பெரிய அளவில் விமர்சன ரீதியாக வரவேற்பைப் பெற்றவை. ஜல்லிக்கட்டு இந்தியாவின் சார்பாக ஆஸ்கருக்கு அனுப்பப்பட்டது.
இந்நிலையில் அவர் அடுத்து தமிழ் மற்றும் மலையாளத்தில் இயக்கும் திரைப்படத்தில் கதாநாயகனாக மம்மூட்டி நடித்துள்ளார். இந்த படத்துக்கு தமிழ் தலைப்பாக நண்பகல் நேரத்து மயக்கம் என வைக்கப்பட்டுள்ளது. இந்த படம் விரைவில் ரிலீஸ் ஆக உள்ள நிலையில், அடுத்து லிஜோ ஜோஸ் இயக்கும் படத்தில் மோகன் லால் நடிக்க உள்ளார். இதை அதிகாரப்பூர்வ்மாக மோகன் லால் அறிவித்துள்ளார்.
