‘என்ன ஒரு அற்புதமான குரல்’… இணையத்தில் வைரலான வீடியோ… தேடும் இசையமைப்பாளர் இமான்!
இணையத்தில் வைரலான வீடியோ ஒன்றில் இடம்பெற்ற பெண் பற்றிய விவரங்களை இசையமைப்பாளர் இமான் கேட்டுள்ளார்.
சில நாட்களுக்கு முன்னர் ரயிலில் பாடி பணம்பெறும் ஒரு பெண்ணின் வீடியோ இணையத்தில் வைரலானது. அந்த வீடியோவில் ஜீன்ஸ் படத்தில் ரஹ்மான் இசையில் இடம்பெற்ற ‘கண்ணோடு காண்பதெல்லாம்’ பாடலை அந்த பெண் பாடியிருந்தார். அந்த பாடலை அவர் அழகாகப் பாடிய விதத்தால் பாராட்டுகளைப் பெற்றார்.
இதையடுத்து திரைப்பட இசையமைப்பாளர் டி இமான் ‘இந்த பெண் பற்றிய விவரங்களை அறிந்தவர்கள் தெரியப்படுத்துங்கள்’ எனக் கூறியுள்ளார். ஏற்கனவே இதுபோல வைரலான பாடகர் திருமூர்த்தியை இமான் தன் இசையில் ஒரு பாடல் பாட வைத்தார் என்பது குறிப்பிடத்தகக்து.
