வெள்ளி, 29 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By CM
Last Modified: திங்கள், 19 பிப்ரவரி 2018 (13:57 IST)

‘பிக் பாஸ்’ சினேகன் நடிக்கும் ‘பனங்காட்டு நரி’

‘பிக் பாஸ்’ சினேகன் நடிக்கும் படத்திற்கு ‘பனங்காட்டு நரி’ எனப் பெயர் சூட்டப்பட்டுள்ளது. 
கவிஞர், பாடலாசிரியரான சினேகன், ‘பிக் பாஸ்’ மூலம் பயங்கர பாப்புலர் ஆனார். வைரமுத்துவிடம் உதவியாளராக இருந்த இவர், சினிமாவில் 2500க்கும் மேற்பட்ட பாடல்கள் எழுதியிருக்கிறார். ஆனாலும், ‘பிக் பாஸ்’ தான் இவரை மக்களிடம் கொண்டு சேர்த்தது.
 
அமீர் இயக்கிய ‘யோகி’ படத்தின் மூலம் நடிகரான சினேகன், சில படங்களில் ஹீரோவாகவும் நடித்துள்ளார். ‘பிக் பாஸ்’ நிகழ்ச்சிக்குப் பிறகு ‘பனங்காட்டு நரி’ என்ற படத்தில் ஹீரோவாக நடிக்கிறார். இந்தப் படத்தை, இ.வி.கணேஷ் பாபு இயக்குகிறார். இவர் ‘யமுனா’ என்ற பேய்ப்படத்தை இயக்கியவர்.