பேன் இந்தியா நடிகருக்கு தூண்டில் போடும் இயக்குனர் அஜய் ஞானமுத்து!
தமிழ் சினிமாவில் பேய் படங்களின் வரவு உச்சத்தில் இருந்தபோது வெளியாகி கவனத்தை ஈர்த்த படம் தான் டிமாண்ட்டி காலணி. இந்த படத்தில் அருள்நிதி, சனத் மற்றும் ரமேஷ் திலக் ஆகியோர் நடித்திருந்த நிலையில் அறிமுக இயக்குனரான அஜய் ஞானமுத்து இயக்கி இருந்தார். குறைந்த பட்ஜெட்டில் பெரும்பாலான காட்சிகள் ஒரு வீட்டுக்குள்ளாகவே படமாக்கி முடிக்கப்பட்டு வெளியான இந்த படம் நல்ல வசூலைக் குவித்தது.
இதையடுத்து இப்போது அதன் இரண்டாம் பாகம் உருவாகி வருகிறது. இதிலும் அருள்நிதி நடிக்க, அஜய் ஞானமுத்து எழுதி இயக்கி, தயாரிக்கிறார். மற்ற முக்கியக் கதாபாத்திரங்களில் ப்ரியா பவானி சங்கர், அருண்பாண்டியன், முத்துக்குமார், மீனாட்சி கோவிந்தராஜன், அர்ச்சனா ரவிசந்திரன் ஆகியோர் நடித்துள்ளனர். சாம் சி எஸ் இசையமைக்கிறார்.
இந்த படத்தை முடித்த பின்னர் இயக்குனர் அஜய் ஞானமுத்து பிரபல தெலுங்கு நடிகரான ஜூனியர் என் டி ஆரைக் கதாநாயகனாக வைத்து படம் இயக்கும் முயற்சியில் இறங்கி வருகிறாராம். இது சம்மந்தமாக ஜுனியர் என் டி ஆரை சந்தித்து முதல் கட்ட பேச்சுவார்த்தையை முடித்துள்ளதாக சொல்லப்படுகிறது.
