எனக்கு தமிழ் சினிமா பிடிக்காது… சர்ச்சையில் சிக்கிய பிதாமகன் சங்கீதா!
தமிழ் சினிமாவில் 90 களில் இருந்து நடித்து வந்தாலும் சங்கீதாவுக்கு நல்ல நடிகை என்ற பெயரைப் பெற்றுத் தந்தது பாலா இயக்கிய பிதாமகன் திரைப்படம்தான். அந்த படத்தில் கஞ்சா விற்கும் பெண்ணாக விக்ரம்முக்கு ஜோடியாக நடித்திருப்பார். அந்த படத்துக்குப் பின்னர் அவருக்கு தமிழில் அதிக வாய்ப்புகள் குவியத்தொடங்கின.
அதே போல அவருக்கு தெலுங்கிலும் சில படங்களில் வேடங்கள் கிடைத்தன. ஆனாலும் அவர் உயிர் போன்ற மோசமான படங்களில் நடித்து தன் கேரியரை முடித்துக் கொண்டார். இப்போது டி வி நிகழ்ச்சிகள் என காலத்தை ஓட்டிக் கொண்டிருக்கும் அவர் சமீபத்தில் அளித்த ஒரு நேர்காணலில் தனக்கு தமிழ் சினிமாவைப் பிடிக்காது எனக் கூறியுள்ளார்.
அந்த நேர்காணலில் அவர் “எனக்கு தமிழ் சினிமாவில் நடிக்க பிடிக்காது. தெலுங்கு சினிமாதான் பிடிக்கும். அங்குதான் நடிகர்களுக்கு மரியாதை அதிகமாகக் கொடுக்கிறார்கள்” எனப் பேசி சர்ச்சையில் சிக்கியுள்ளார்.
