வேலு நாச்சியார் படத்துக்கு இசையமைக்கும் ஏ ஆர் ரஹ்மான்!
இந்திய சுதந்திரத்திற்காக பாடுபட்ட வீரமங்கை ராணி வேலு நாச்சியார் பிறந்தநாள் நேற்று கொண்டாடப்பட்டது. இதையடுத்து அவரின் வீர வரலாற்றை வேலுநாச்சியார் என்ற பெயரில் ஜே எம் பஷீர் தயாரிக்க உள்ளார். இந்த படத்தில் அவரின் மகள் ஆயிஷா வேலு நாச்சியாராக நடிக்க உள்ளார்.
மேலும் ஜே எம் பஷீர் இந்த படத்தில் பெரிய மருது கதாபாத்திரத்தில் நடிக்க உள்ளார் என தகவல் வெளியாகியுள்ளது. இவர் தேசிய தலைவர் படத்தில் பசும்பொன் முத்துராமலிங்கம் கதாபாத்திரத்திலும் நடித்து தயாரித்து வருகிறார் என்பது குறிப்பிடத்தக்கது.
இந்த படத்துக்கு இசைப்புயல் ஏ ஆர் ரஹ்மான் இசையமைக்க உள்ளதாக சொல்லப்படுகிறது. ஜெ ஸ்ரீதர் ஒளிப்பதிவு செய்ய, மிராக்கிள் மைக்கேல் சண்டைக் காட்சிகளை வடிவமைக்கிறார். மேலும் பல முன்னணி தொழில் நுட்பக் கலைஞர்கள் படத்தில் இணைய உள்ளதாக சொல்லப்படுகிறது.
