ஒலிம்பிக்கில் தங்கம் வெல்பவர்களுக்கு ரூ.75 லட்சம் பரிசுத்தொகை

ஒலிம்பிக்கில் தங்கம் வெல்லும் வீரர்களுக்கு பரிசுத்தொகை ரூபாய் 50 லட்சத்திலிருந்து ரூபாய் 75 லட்சமாக உயர்த்தப்பட்டுள்ளது.

வரும் 2016ஆம் ஆண்டு பிரேசிலின் ரியோ டி ஜெனிரியோவில் நடைபெறவிருக்கும் ஒலிம்பிக் போட்டியில் தங்கப் பதக்கம் வெல்லும் இந்திய வீரர்களுக்கு பரிசுத்தொகையாக ரூபாய் 75 வழங்கப்படும் இந்திய அரசு அறிவித்துள்ளது.

இதற்கு முன்னர் தங்கம் வெல்லும் வீரர்களுக்கு ரூ. 50 லட்சம் பரிசுத்தொகையும், வெள்ளிப் பதக்கம் வெல்லும் வீரர்களுக்கு ரூ. 30 லட்சமும், வெண்கலப் பதக்கம் வெல்லும் வீரர்களுக்கு ரூ.20 லட்சமும் அரசு சார்பில் வழங்கப்பட்டு வந்தது.

தற்போது இந்த பரிசுத் தொகைகள் அதிகரிக்கப்பட்டுள்ளது. அதன்படி தங்கம் வெல்பவர்களுக்கு ரூ. 75 லட்சமும், வெள்ளிப் பதக்கம் வெல்லும் வீரர்களுக்கு 50 லட்சமும், வெண்கலப் பதக்கம் வெல்லும் வீரர்களுக்கு ரூ. 30 லட்சமும் வழங்கப்படும் என்று அறிவிக்கப்பட்டு உள்ளது.

இதேபோல் ஆசிய விளையாட்டு மற்றும் காமன்வெல்த் போட்டியில் தங்கம் பதக்கம் வெல்பவர்களுக்கு ரூ.20 லட்சத்திலிருந்து ரூ.30 லட்சமாகவும், வெள்ளிப் பதக்கம் வெல்லும் வீரர்களுக்கு ரூ.10 லட்சத்திலிருந்து ரூ.20 லட்சமாகவும், வெண்கலப் பதக்கம் வெல்லும் வீரர்களுக்கு ரூ.6 லட்சத்திலிருந்து ரூ.10 லட்சமாகவும் பரிசுத்தொகை அதிகரிக்கப்பட்டுள்ளது.