திருச்சி வாரியஸ் அணியை சுருட்டி எடுத்த சேப்பாக்கம் கில்லிஸ்
தமிழ்நாடு பிரிமியர் கிரிக்கெட் போட்டியில் நேற்று நடந்த பரபரப்பான ஆட்டத்தில் சேப்பாக்கம் சூப்பர் கில்லீஸ் அணி, வெகு எளிதாக திருச்சி அணியை தோற்கடித்து மேலும் ஒரு வெற்றியை பெற்றது. இந்த வெற்றியின் மூலம் அந்த அணி 10 புள்ளிகளுடன் 2வது இடத்திற்கு முன்னேறியுள்ளது.
நேற்றைய போட்டியில் முதலில் பேட்டிங் செய்த திருச்சி அணி 20 ஓவர்களில் 7 விக்கெட்டுக்களை இழந்து 132 ரன்கள் எடுத்தது. இந்திரஜித் 34 ரன்களும், பரத்சங்கர் 25 ரன்களும் எடுத்தனர்.
133 ரன்கள் எடுத்தால் வெற்றி என்ற இலக்குடன் களமிறங்கிய சேப்பாக்கம் அணி 15.4 ஓவர்களில் 4 விக்கெட்டுக்களை இழந்து 136 ரன்கள் எடுத்து வெற்றி பெற்றது. தலைவன் சற்குணம் 42 ரன்களும், அந்தோணி தாஸ் 39 ரன்களும் எடுத்தனர்.
அந்தோணி தாஸ் ஆட்டநாயகனாக தேர்வு செய்யப்பட்டார்.
