குடும்பத்தில் ஒருவருக்கு அரசு வேலையா? – அதிமுக அறிக்கை மீது புகார்!

தமிழக சட்டமன்ற தேர்தலில் போட்டியிடும் அதிமுக வெளியிட்டுள்ள தேர்தல் அறிக்கையில் சாத்தியமில்லாத திட்டங்கள் அறிவிக்கப்பட்டுள்ளதாக வழக்கு தொடரப்பட்டுள்ளது.

தமிழக சட்டமன்ற தேர்தல் ஏப்ரல் 6ல் நடைபெற உள்ள நிலையில் அரசியல் கட்சிகள் தீவிர தேர்தல் பிரச்சாரத்தில் ஈடுபட்டு வருகின்றன. இந்நிலையில் அடுத்து ஆட்சி அமைத்தால் நடைமுறைப்படுத்தப்படும் திட்டங்களை அதிமுக தேர்தல் அறிக்கையாக வெளியிட்டுள்ளது.

அந்த தேர்தல் அறிக்கையில் குடும்பத்தில் ஒருவருக்கு அரசு வேலை என தெரிவிக்கப்பட்டுள்ள நிலையில், குடும்பத்தில் ஒருவருக்கு அரசு வேலை வழங்குவது சாத்தியமற்றது என்றும், சாத்தியமில்லாத திட்டங்களை அறிவித்துள்ள அதிமுக தேர்தல் அறிக்கைக்கு தடை விதிக்க வேண்டும் என்றும் மதுரையை சேர்ந்த வழக்கறிஞர் ஒருவர் தமிழக தலைமை தேர்தல் அதிகாரியிடம் புகார் அளித்துள்ளார்.