எடப்பாடி, பாஜக, மதுக்கடை - டிவிட்டரில் தெறிக்க விடும் ராமதாஸ்..
பாமக நிறுவனர் டாக்டர் ராமதாஸ் தனது டிவிட்டர் பக்கத்தில் தமிழக அரசியல் நிலை பற்றி கேலியாகவும், கிண்டலாகவும் பல கருத்துகளை தொடர்ந்து பதிவு செய்து வருகிறார்.
“சாலையோரக் கடையில் டீ குடித்தார் எடப்பாடி பழனிச்சாமி: இதற்கு முன் இருந்தவர்கள் நடித்து முதல்வர் ஆனார்கள்... இவர் முதல்வராகி நடிக்கிறார்” என ஒரு பதிவிலும்,
“தமிழக அரசின் செயல்பாடுகளில் பாஜக தலையீடு இல்லை: வெங்கையா - உண்மை தான்... நீங்கள் குறுக்கிடவில்லை, உத்தரவிடுகிறீர்கள்!” என ஒரு பதிவிலும்,
“வறட்சியிலிருந்து மக்களை பாதுகாப்பதே தலையாயக் கடமை: எடப்பாடி - அதற்கு நீங்கள் தண்ணீர் வழங்க வேண்டும்... மதுக்கடை திறக்கக்கூடாது!” என அடுத்த பதிவிலும் அவர் கிண்டலாக குறிப்பிட்டுள்ளார்.
