அன்புமணியை சந்திக்க தைலாபுரம் வரும் அண்ணாமலை.. இன்னும் சற்று நேரத்தில் ஒப்பந்தம்?

பாரதிய ஜனதா கட்சியில் பாமக கூட்டணி இணைவது 99 சதவீதம் உறுதி செய்யப்பட்டு விட்ட நிலையில் இன்னும் சற்று நேரத்தில் பாமக நிறுவனர் ராமதாஸ் இருக்கும் தைலாபுரம் தோட்டத்திற்கு தமிழக பாஜக தலைவர் அண்ணாமலை வருகை தர இருப்பதாகவும் அவருடன் மத்திய இணை அமைச்சர் எல் முருகன் வருகை தர இருப்பதாகவும் தகவல்கள் வெளியாகி உள்ளன. 

கடந்த சில நாட்களாக நடைபெற்ற கூட்டணி பேச்சு வார்த்தைகள் தற்போது உடன்பாடு ஏற்பட்டு எத்தனை தொகுதிகள் என்பது முடிவு செய்யப்பட்டு விட்டதாகவும் இன்னும் ஒரு சில மணி  நேரத்தில் இரு கட்சிகளும் கூட்டணி ஒப்பந்தத்தில் கையெழுத்திட இருப்பதாகவும் தகவல் வெளியாகி உள்ளது. 

பாஜக கூட்டணியில் பாமக இணைந்து விட்டால் அந்த கூட்டணி வலுவடைந்து விடும் என்றும் ஐந்து தொகுதிகள் வரை வெற்றி பெற வாய்ப்பு இருப்பதாகவும் பல தொகுதிகளில் இரண்டாம் இடத்தை பிடிக்க வாய்ப்பு இருப்பதாகவும் அரசியல் விமர்சகர்கள் கருத்து தெரிவித்து வருகின்றனர். 

மேலும் இந்த கூட்டணியில் தேமுதிகவும் இணைந்து விட்டால் திமுகவுக்கு சவால் விடும் வகையில் தமிழகத்தில் ஒரு குறிப்பிட்ட சதவீதம் வாக்குகளை பெறும் என்றும் கூறப்படுகிறது. 

Edited by Mahendran