அதுக்கு தயராகும் கருணாநிதி - நடிகை விந்தியா சொல்ல வருவது என்ன?

அதுக்கு தயராகும் கருணாநிதி - நடிகை விந்தியா சொல்ல வருவது என்ன?

திமுக தலைவர் கருணாநிதி அதுக்கு தயராகிவிட்டார் என அதிர்ச்சி தகவலை நடிகை விந்தியா வெளியிட்டார். 

தமிழக சட்ட சபைத் தேர்தல் மே 16 ஆம் தேதி நடைபெற உள்ளது. அதிமுக வேட்பாளர்களை ஆதரித்து, நடிகை விந்தியா தமிழகம் முழுக்க சூராவளி தேர்தல் பிரசாரம் செய்து வருகிறார்.

இந்த நிலையில், விருதுநகர் தொகுதி அதிமுக வேட்பாளர் கலாநிதியை ஆதரித்து, நடிகை விந்தியா அந்தப் பகுதியில் தேர்தல் பிரசாரம் செய்தார். அப்போது அவர் பேசுகையில், கருணாநிதி எதைச் செய்தாலும் அது அவரது குடும்ப நலனை மனதில் வைத்தே செய்வார். அதுபோலத்தான் திமுக  தேர்தல் அறிக்கையும் அவரது குடும்ப நலனை முன்வைத்து  தயாரிக்கப்பட்டுள்ளது. இதை நன்றாக படித்துப்பார்த்தால் தெரியும்.

ஸ்டாலினும், ராகுல் காந்தியும் ஒரே மேடையில் பேசியதை சாதனையாகச் சொல்லி கருணாநிதி மகிழ்ச்சி அடைகிறார். ஆனால், அவரால், மு.க.ஸ்டாலினையும், மு.க.அழகிரியையும் ஒரே மேடையில் பேச வைக்க முடியமா. அதை செய்யச் சொல்லுங்கள் பார்க்கலாம்.  

இந்த தேர்தலில், திமுக தோல்வி உறுதி என கருணாநிதிக்கு தெரிந்துவிட்டது. அதனால், எப்படியும் வெற்றிபெற வேண்டும் என்பதற்காக, நாடகமாடி பொது மக்களின் அனுதாப வாக்குகளை பெற அவர் ரகசிய திட்டமிட்டுள்ளார். எனவே, மக்களே அவரது  நாடகத்தை கண்டு ஏமாந்துபோய்விடாதீர்கள். மீண்டும் அம்மா ஆட்சிதான் இது உறுதி என்றார்.