மே மாத எண் ஜோதிடப் பலன்கள்: 2, 11, 20, 29
2014 ஆம் ஆண்டு மே மாதத்திற்கான எண் ஜோதிடப் பலன்களை ஜோதிட ரத்னா முனைவர் க. ப. வித்யாதரன் தொகுத்து அளித்துள்ளார்.
2, 11, 20, 29 ஆகிய தேதிகளில் பிறந்தவர்களுக்கு இந்த மாதத்தில் வேலைச்சுமை அதிகரிக்கும். கொஞ்சம் பொறுமையை இழப்பீர்கள். உறவினர், நண்பர்களின் பேச்சும், செயல்பாடுகளும் உங்களுக்கு பிடிக்காமல் போகும். என்றாலும் அனைத்து பிரச்னைகளையும் சமாளிக்கும் சக்தி உண்டாகும்.
பழைய இனிமையான நினைவுகளில் அவ்வப்போது மூழ்குவீர்கள். அவசர முடிவுகளை தவிர்க்கவும். மற்றவர்களை நம்பி பெரிய முடிவுகள் எடுக்க வேண்டாம். உடல் உஷ்ணத்தால் அடிவயிற்றில் வலி வந்துப் போகும். பிள்ளைகளின் உணர்வுகளைப் புரிந்துக் கொள்ளுங்கள். பழைய சொந்த-பந்தங்களை சந்தித்து மகிழ்வீர்கள்.
பூர்வீக சொத்தில் சேர வேண்டிய பங்கை கேட்டு வாங்குவீர்கள். பால்ய நண்பர்களால் ஆதாயம் உண்டு. அரசியல்வாதிகளே! உட்கட்சி பூசல் வெடிக்கும். கன்னிப் பெண்களே! பெற்றோரின் ஆதரவுப் பெருகும். வியாபாரத்தில் புது முதலீடுகளை தவிர்க்கவும். வேலையாட்கள், பங்குதாரர்களின் குறை, நிறைகளை சுட்டிக் காட்டுவீர்கள்.
உத்தியோகத்தில் சவால்களை சந்திக்க வேண்டி வரும். அதிகாரிகளுடன் ஈகோ பிரச்னை வந்து நீங்கும். சக ஊழியர்களுடன் மோதல்கள் வரக்கூடும். கலைத்துறையினர்களே! சம்பள விஷயத்தில் கறாராக இருங்கள். வெளிநாட்டு புது நிறுவனங்கள் உங்களுக்கு வாய்ப்பளிக்கும். ஆரோக்யத்தில் அக்கறை காட்ட வேண்டிய மாதமிது.
அதிர்ஷ்ட தேதிகள்: 2, 7, 6, 16, 25
அதிர்ஷ்ட எண்கள்: 4, 9
அதிர்ஷ்ட நிறங்கள்: பிஸ்தாபச்சை, கிரே
அதிர்ஷ்ட கிழமைகள்: திங்கள், வெள்ளி
