மருத்துவமனையில் அனுமதிக்கப்பட்டார் பிரபல பாலிவுட் நடிகர் சசி கபூர்
பிரபல பாலிவுட் நடிகர் சசிகபூர் சுவாச கோளாறு காரணமாக மும்பையில் உள்ள தனியார் மருத்துவமனையில் அனுமதிக்கப்பட்டுள்ளார்.
சசிகபூர் இந்திய சினிமாவின் முன்னோடியான பிரிதிவி ராஜ் கபூரின் மகனும் ராஜ் கபூரின் சகோதரரும் ஆவார். இந்தி மொழியில் 160 க்கும் மேற்பட்டப் படங்களில் நடித்துள்ளார்.
இதில் ஆவாரா, தீவார், சத்யம் சிவம் சுந்தரம், கபி.கபி, ஆகியவை சசிகபூர் நடித்தவைகளில் மிகவும் பிரபலமானவை.
அவருக்குக் குணால் கபூர், கரன்கபூர் என்ற மகன்களும், சந்தனா கபூர் என்ற மகளும் உள்ளனர். இவர்களில் குணால் கபூரும் நடிகர் ஆவார்.
சசிகபூரின் மனைவி ஜெனீபர் ஏற்கனவே இறந்து விட்டார். 160 க்கும் மேற்பட்டப் படங்களில் நடித்துள்ள சசிகபூர் இதுவரை 3 முறை தேசிய விருது பெற்றுள்ளார் என்பது குறிப்பிடத்தக்கது.