வெனிஸில் திருமணம் செய்யப் போகும் ஜார்ஜ் க்ளூனி

ஹாலிவுட் நடிகர் ஜார்ஜ் க்ளூனி தனது திருமணம் இன்னும் சில வாரங்களில் வெனிஸில் நடைபெறும் என்று கூறியுள்ளார்.

க்ளூனிக்கு இப்போது 53 வயதாகிறது. ஒருமுறை திருமணம் செய்து விரைவிலேயே விவகாரத்து பெற்றுக் கொண்டார். அதன் பிறகு க்ளூனி திருமணமே செய்து கொள்ளவில்லை. அதேநேரம் இரண்டு டஜன் பெண்களுடன் டேட்டிங் என்ற பெயரில் லூட்டி அடித்திருப்பார்.

கடைசிவரை மகன் க்ரோனிக் பேச்சிலராக இருப்பானோ என்று க்ளூனியின் தாய், தந்தை கவலைப்பட்டுக் கொண்டிருந்த நேரம், அமல் அலெமதின் என்ற பெண் வழக்கறிஞரை க்ளூனி சந்தித்தார். காதலில் விழுந்தார். கடந்த ஏப்ரலில் நிச்சயதார்த்தமும் செய்து கொண்டார்.

அவரைதான் விரைவில் திருமணம் செய்து கொள்ளப் போகிறார். திருமணம் இன்னும் சில வாரங்களில் வெனிஸில் நடக்கும் என க்ளூனி கூறியுள்ளார்.