Widgets Magazine

ஜெயலலிதா, கருணாநிதியால் மோடி அரசில் சேர முடியாது - பிரேமலதா விஜயகாந்த்

Ilavarasan| Last Updated: வெள்ளி, 4 ஏப்ரல் 2014 (18:51 IST)
ஜெயலலிதா, கருணாநிதிக்கு மோடி அரசில் சேர முடியாது என்று பிரேமலதா விஜயகாந்த் கூறியுள்ளார்.
கடலூர் தொகுதி வேட்பாளர் ஜெயசங்கரை ஆதரித்து விஜயகாந்த் மனைவி பிரேமலதா ராமநத்தம், பெண்ணாடம் ஆகிய இடங்களில் பிரசாரம் செய்தார். திறந்த வேனில் நின்றபடி அவர் பேசியதாவது:–

மோடி தலைமையில் அமைந்துள்ள கூட்டணி மக்கள் விரும்பும் வெற்றி படைக்கும் கூட்டணியாக அமைந்துள்ளது. தமிழ்நாட்டு மக்கள் இந்த தேர்தலில் சிந்தித்து ஓட்டு போட வேண்டும். முதல் தடவையாக 5 முனை போட்டியாக தேர்தல் நடைபெற உள்ளது. நமது கூட்டணி இளம் சிங்கங்களின் கூட்டணி. லஞ்சம், ஊழல் செய்து மக்களை ஏமாற்றும் திமுக, அதிமுக.தான் நமது எதிரிகள். விட்டுக்கொடுத்து வாழ்வதுதான் வாழ்க்கை.
பாமகவுக்கு பல தொகுதிகளை விட்டுக் கொடுத்துள்ளோம். இதில் எந்த கருத்து வேறுபாடும் இல்லை. அதிமுக, திமுக கட்சிகள் கருத்து வேறுபாடுகள் என தூண்டி குளிர்காய விரும்புகின்றனர். அதற்கு இடம் தரக்கூடாது. இன்று அனைத்து கூட்டணி கட்சிகளுக்கும் தமிழ்நாடு முழுவதும் சென்று பிரசாரம் செய்யும் ஒரே தலைவர் விஜயகாந்த் தான்.

நமது கூட்டணியின் பிரதமர் வேட்பாளர் மோடி 320 தொகுதிகளில் வெற்றி பெறுவார். அதிமுக தவிர வேறு எந்த கட்சிக்கும் ஓட்டுப் போடாதே என்கிறார் ஜெயலலிதா. முதலில் ஜெயலலிதா எந்த கூட்டணி என்பதை தெளிவு படுத்தட்டும். ஜெயலலிதா எந்த தொகுதியிலும் போட்டியிட வில்லை. தமிழக மக்கள் முதலில் அவரை வெற்றி பெறவைக்கட்டும். பின்னர் ஜெயலலிதா பிரதமர் பற்றி பேசலாம். அவர் பிரதமர் பற்றி கனவு காண்பது பகல் கனவு.


இதில் மேலும் படிக்கவும் :