வங்கதேச தொடர்: இந்திய அணிக்கு உடல்தகுதி பரிசோதனை
வங்கதேச தொடருக்கு செல்லும் இந்திய வீரர்களுக்கு உடல் தகுதி பரிசோதனை செய்ய இந்திய கிரிக்கெட் வாரியம் முடிவு செய்துள்ளது
வரும் ஜூன் மாதம் இந்திய அணி வங்கதேசம் சென்று சுற்றுப்பயணம் மேற்கொண்டு விளையாடவுள்ளது. இதில் 1 டெஸ்ட் மற்றும் 3 ஒரு நாள் போட்டிகள் அடங்கும். இந்நிலையில் போட்டிக்கு முன் இந்திய வீரர்களுக்கு உடல்தகுதி பரிசோதனை மேற்கொள்ள இந்திய கிரிக்கெட் வாரியம் தீர்மானித்துள்ளது.
இந்த பரிசோதனை ஜூன் 6 ஆம் தேதி நடைபெறும் என எதிர்ப்பார்க்கப்படுகிறது. மேலும் டெஸ்ட் போட்டிகளிலிருந்து தோனி ஓய்வு பெற்றுவிட்டதால் கோலி கேட்பனாக செயல்படுவார். மேலும் ஒரு நாள் போட்டிகளை வழக்கம் போல் கேப்டன் தோனியே வழிநடத்துவார் என்பது குறிப்பிடத்தக்கது.
