ஜெயலலிதா இறந்த பின்னரும் துரோகம் இழைக்கும் சசிகலா!

ஜெயலலிதா இறந்த பின்னரும் துரோகம் இழைக்கும் சசிகலா!

கேஸ்டன் 

புதன், 15 பிப்ரவரி 2017 (11:01 IST)

Widgets Magazine

மறைந்த முன்னாள் முதல்வர் ஜெயலலிதா கடந்த 2011-ஆம் ஆண்டு டிசம்பர் மாதம் சசிகலா உள்ளிட்ட அவரது குடும்ப உறுப்பினர்கள் 12 பேரை துரோகம் செய்ததால் கட்சியில் இருந்து அதிரடியாக நீக்கினார். பின்னர் சசிகலாவை மட்டும் மன்னிப்பு கடிதம் எழுதிக்கொடுத்ததால் மீண்டும் சேர்த்துக்கொண்டார்.


 
 
ஆனால் சசிகலாவின் மற்ற குடும்ப உறுப்பினர்கள் யாரையும் அவர் கட்சியில் சேர்க்கவில்லை. ஜெயலலிதா மரணிக்கும் வரை அவர்களை அனுமதிக்கவே இல்லை. ஆனால் ஜெயலலிதா பின்னர் அந்த காட்சிகள் அப்படியே மாறின. ஜெயலலிதாவின் உடலை சசிகலாவின் மன்னார்குடி குடும்பத்தினர் சுற்றி நின்றனர். வேறு யாரையும் அங்கு நிற்கவிடவில்லை அவர்கள்.
 
ஜெயலலிதா இருக்கும் வரை அவரது போயஸ் கார்டன் இல்லத்தில் டி.டி.வி.தினகரன், வெங்கடேஷ் உள்ளிட்ட சசிகலாவின் உறவினர்களை அவர் அங்கு அனுமதிக்கவில்லை. ஆனால் தற்போது ஜெயலலிதா இறந்த பின்னர் அவர்கள் அங்கு இருக்கின்றனர். ஆளுநரை சந்திக்க சசிகலா சென்ற போது அவருடன் டி.டி.வி.தினகரன் சென்றார் இது அதிமுகவில் சலசலப்பை ஏற்படுத்தியது.
 
இருந்தாலும் நேற்று எடப்பாடி பழனிச்சாமி ஆளுநரை சந்திக்க அமைச்சர்களுடன் சென்றபோதும் அவர்களுடன் டி.டி.வி.தினகரன் சென்றார். இதனை ஜெயலலிதாவின் விசுவாசிகள் விரும்பவில்லை. இந்நிலையில் இன்று உச்சக்கட்டமாக இரண்டு நிகழ்வுகள் நடந்துள்ளது, அது அதிமுக தொண்டர்களை மிகவும் எரிச்சலடைய வைத்துள்ளது.
 
இன்று காலை டி.டி.வி.தினகரன் மற்றும் வெங்கடேஷ் ஆகியோரை மீண்டும் அதிமுகவில் சேர்த்துக்கொள்வதாக சசிகலா அறிவித்துள்ளார். அவர்கள் இருவரும் மன்னிப்பு கடிதம் எழுதிக்கொடுத்ததால் அவர்களை சேர்த்ததாக அதிமுகவின் அதிகாரப்பூர்வ நாளிதழான டாக்டர் நமது எம்ஜிஆரில் கூறியுள்ளார் சசிகலா.


 
 
மேலும் சசிகலா தற்போது சிறையில் அடைக்கப்பட இருப்பதால் அதிமுக கட்சியினை தனது குடும்பத்தின் கட்டுப்பாட்டில் வைக்க ஜெயலலிதாவால் வெளியேற்றப்பட்ட தனது சகோதரி மகனான டி.டி.வி.தினகரனை அதிமுகவின் துணை பொதுச்செயலாளராக நியமித்து உத்தரவிட்டுள்ளார். இது அதிமுகவினரை மிகவும் கோபமடைய வைத்துள்ளது.
 
ஜெயலலிதாவுக்கு துரோகம் செய்ததால் அவர்களை அவர் வெளியேற்றினார். ஆனால் ஜெயலலிதா இறந்த பின்னரும் சசிகலா அவருக்கு துரோகம் செய்கிறாரே என அதிமுக வட்டாரத்தில் பேசிக்கொள்கிறார்கள். ஜெயலலிதா இருந்திருந்தால் அவர் இவர்களை சேர்த்திருப்பாரா என குமுறுகின்றனர்.


Widgets Magazine

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்



Widgets Magazine
Widgets Magazine
இதில் மேலும் படிக்கவும் :
news

பன்னீரா? எடப்பாடி பழனிச்சாமியா? ஆட்சி கலைப்பா? - என்ன நடக்கப் போகிறது?

தமிழகத்தில் ஆட்சி அமைக்கப்போவது யார் என்பதை மக்கள் பீதியுடன் எதிர்பார்த்துக் ...

news

மாயமான எம்எல்ஏக்கள்: ஆட்சியமைக்கும் பலத்தை இழந்த சசிகலா அணி!

அதிமுக பிளவுபட்டு சசிகலா அணி, ஓ.பன்னீர்செல்வம் அணி என இரண்டாக செயபட்டனர். இரு ...

news

போயஸ் கார்டனில் சசிகலா இருப்பது சட்ட விரோதம்: தீபா கூறினால் வெளியேறி தான் ஆகனும்!

ஜெயலலிதா வாழ்ந்து வந்த போயஸ் கார்டன் வேதா இல்லம் ஜெயலலிதா அரசியலுக்கு வந்த பின்னர் அதிகார ...

news

டெல்லியில் நடந்த அரசியல் புரட்சி தமிழகத்தில் சாத்தியமா?: இளைஞர் சக்தியை வழிநடத்த சகாயம் ஐஏஎஸ் வருவாரா?

தமிழகத்தின் எழுச்சியை நாடே மிரட்சியுடன் பார்த்துக்கொண்டு இருக்கிறது. ஜல்லிக்கட்டுக்கு ...

Widgets Magazine Widgets Magazine