ஹீரோயினுக்கு நடிப்பு சொல்லிக்கொடுத்த விக்ரம்

தனக்கு ஜோடியாக நடிக்கும் ஹீரோயினுக்கு, நடிப்பு சொல்லிக் கொடுத்துள்ளார் விக்ரம்.

‘வாலு’ விஜய் சந்தர் இயக்கத்தில் விக்ரம் நடித்துவரும் படம் ‘ஸ்கெட்ச்’. ஹீரோயினாக தமன்னா நடிக்க, இரண்டாவது ஹீரோயினாக ஸ்ரீபிரியங்கா நடிக்கிறார். இவர்கள் மூவருக்கும் சேர்ந்தாற்போல் ஒரு மாண்டேஜ் சாங் படத்தில் இருக்கிறது.

விக்ரம் பெரிய ஹீரோ என்பதால், முதல்நாள் ஷூட்டிங்குக்கு பயந்து கொண்டே சென்றிருக்கிறார் ஸ்ரீபிரியங்கா. ஆனால், விக்ரமோ அவரிடம் சகஜமாகப் பேசியிருக்கிறார். இருந்தாலும், நெர்வஸ் காரணமாக டேக் வாங்க, ‘இப்படித்தான் நடிக்க வேண்டும்’ என சொல்லிக் கொடுத்திருக்கிறார் விக்ரம். இப்போது இருவரும் நெருங்கிய நண்பர்களாகிவிட்டார்களாம்.