திமுக அரசியலை அடியோடு எதிர்க்கிறேன்..அது ஒரு விஷம்''- அண்ணாமலை
அதிமுக - பாஜக இடையே கருத்துவேறுபாடுகள் இருந்த நிலையில், பாஜக குறித்தும் அண்ணாமலை குறித்தும் விமர்சனம் செய்ய வேண்டாம் என்றும் அதிமுக பாஜக கூட்டணி குறித்து சர்ச்சைக்குரிய கருத்துக்களை தெரிவிக்க வேண்டாம் என்றும் அதிமுகவினர்களுக்கு எடப்பாடி பழனிச்சாமி அறிவுறுத்திவதாக தகவல் வெளியானது.
இந்த நிலையில், இன்று கோவையில் அண்ணாமலை செய்தியாளர்களுக்கு பேட்டியளித்தார். அப்போது அவர் கூறியதாவது:
‘’மத்தியில் பிரதமர் மோடி மாநிலத்தில் எடப்பாடி என்று நான் சொல்ல மாட்டேன். அதற்காக நான் இல்லை. மாநிலத்தில் பாஜகவை கொண்டு வரவே தலைவராகியுள்ளேன். அதிமுகவில் சில தலைவர்களுக்கும் அண்ணாமலைக்கும் உள்ளதா என்றால் இருக்கலாம்’’ என்று கூறியுள்ளார்.
மேலும் ‘’அண்ணாவை பற்றி தரக்குறைவாகப் நான் பேசவில்லை. சரித்திரத்தில் இருந்ததைக் குறிப்பிட்டிருக்கிறேன். நான் பேசியதற்கு மன்னிப்பு கேட்க முடியாது. நான் ஆக்ரோசமாகத்தான் அரசியல் செய்வேன் என்றும் திமுக அரசியலை அடியோடு எதிர்க்கிறேன்….ஏனென்றால் அது ஒரு விஷம் ‘’என்று தெரிவித்துள்ளார்.
